19 лютага 2018 года ў межах Тыдня кафедры філалогіі старшымі выкладчыкамі Чуносавай І.С. і Томчыкам Д.С. быў падрыхтаваны і праведзены брэйн-рынг «Філалогія — каралева навук» для студэнтаў 1 курса факультэта славянскіх і германскіх моў. Удзел прынялі 6 каманд: па 5 прадстаўнікоў ад груп СІЯ-11, СІЯ-12, СІЯ-13, ІЯ-11, ІЯ-12, БІЯ-11.
Трэба адзначыць агульную навукова-папулярную накіраванасць прапанаваных пытанняў: некаторыя з іх былі накіраваны на агульную эрудыцыю студэнтаў, іншыя былі ўзяты з тых дысцыплін, якія студэнтамі засвойваюцца на 1 курсе. Галоўная ўвага была скіравана на захаванне міжпрадметных сувязей, уменню рабіць лінгвістычных і этымалагічны аналіз, прымяняць лінгвістычныя законы для вырашэння мовазнаўчых задач. У вельмі цяжкай барацьбе праз паўфінал, фінал і суперфінал пераможцамі з вялікім адрывам ад сапернікаў была аб’яўлена група ІЯ-11.
Другое месца заняла група СІЯ-11, а 3 — група БІЯ-11.
Журы брэйн-рынга ў асобе старшых выкладчыкаў кафедры філалогіі Несцяровіч Т.І., Пракоф’евай Л.В. і Томчыка Д.С. адзначыла, што падобнае мерапрыемства абавязкова павінна быць традыцыйным у межах Тыдня кафедры. Яно стымулюе студэнтаў да атрымання якасных ведаў па дысцыплінах, развівае лагічнае і абстрактнае мысленне.
