17 лютага 2026 года ў межах тыдня кафедры філалогіі дацэнтам Чуносавай І.С. і старшым выкладчыкам Шавель В.М. сумесна з супрацоўнікам бібліятэкі Вахтомавай Т.І. быў арганізаваны і праведзены семінар-практыкум «Нацыянальны адукацыйны партал як сучасны адукацыйны рэсурс» для студэнтаў першага курса спецыяльнасці 6-05-0113-02 Філалагічная адукацыя (Беларуская мова і літаратура. Замежная мова (англійская)).
Падчас мерапрыемства навучэнцы мелі магчымасць пазнаёміцца са зместам нарматыўных і метадычных матэрыялаў, змешчаных на адукацыйных парталах Міністэрства адукацыі Рэспублікі Беларусь аdu.by і eior.by, асаблівасцямі іх выкарыстання пры арганізацыі і правядзенні ўрокаў беларускай мовы і літаратуры. Асаблівую цікавасць у студэнтаў выклікалі інструктыўна-метадычныя пісьмы, вучэбныя праграмы факультатыўных заняткаў, рэкамендацыі па ўкараненні тэхналогій штучнага інтэлекту ў навучанні, адукацыйныя рэсурсы, распрацаваныя айчыннымі педагогамі. У ходзе семінара-практыкума студэнты таксама атрымалі кансультацыі вядучага бібліятэкара бібліятэкі БарДУ Вахтомавай Т.І. наконт карыстання рэпазіторыем універсітэта і навуковымі электроннымі бібліятэкамі.
https://ph.barsu.by/index.php/naviny-i-ab-yavy/znajomstva-pershakursnika-z-elektronnymi-adukatsyjnymi-resursami#sigProIdc12e6588aa