З мэтай удасканалення падрыхтоўкі будучых спецыялістаў, паглыблення сувязі тэарэтычнага і практычнага навучання студэнтаў на базе філіяла кафедры філалогіі, у ДУА «Гімназія №1 г. Баранавічы», з 2018 г. дзейнічае праект «Школа настаўніцтва». У межах гэтага праекта 7 мая 2024 г. настаўнікам вышэйшай катэгорыі Т.А. Піваварчык былі праведзены практычныя заняткі на тэму «Асаблівасці ацэньвання вынікаў вучэбнай дзейнасці па вучэбным прадмеце “Беларуская мова” (на прыкладзе тэкставага дыктанта)» для студэнтаў І і ІІІ курса спецыяльнасці «Беларуская мова і літаратура. Замежная мова (англійская)».
Падчас заняткаў навучэнцы спрабавалі знайсці арфаграфічныя і пунктуацыйныя памылкі ў дыктоўках па беларускай мове і выставіць адзнакі. Былі атрыманы неабходныя метадычныя рэкамендацыі па ацэньванні пісьмовых работ навучэнцаў, што, безумоўна, будзе садзейнічаць фарміраванню прафесійных кампетэнцый будучых настаўнікаў-філолагаў.
https://ph.barsu.by/index.php/naviny-i-ab-yavy/navuchalny-praktykum-u-mezhakh-praekta-shkola-nasta-nitstva#sigProIdecc437d02f