У межах дзейнасці філіяла кафедры філалогіі на базе ДУА «Гімназія №1 г. Баранавічы» адбыўся семінар-практыкум «Кіраўніцтва навукова-даследчай дзейнасцю вучняў па праблемах філалогіі».
Таццяна Міхайлаўна Пучынская, загадчык кафедры філалогіі, кандыдат педагагічных навук, дацэнт, раскрыла мэты, асноўныя задачы навукова-даследчай работы школьнікаў па беларускай літаратуры. Была звернута ўвагу на тыповыя памылкі пры напісанні работы (фармуляванне аб’екта і прадмета даследавання, асаблівасці кампазіцыйнай структуры і інш.); прыведзены прыклады тэм, звязаных з паэтыкай літаратурнага твора, з пытаннямі праблемнага і ідэйна-тэматычнага напрамкаў, прысвечаных аналізу сучаснага літаратурнага працэсу.
Вольга Міхайлаўна Шавель, старшы выкладчык кафедры філалогіі, у час выступлення акцэнтавала ўвагу на асаблівасцях прэзентацыі зместу навуковай работы па беларускай мове: выкарыстанне дыяграм, гістаграм; моўнае афармленне матэрыялу.
