22 мая 2018 г. у сувязі з 65-годдзем часопіса «Маладосць» у зале новых паступленняў бібліятэкі БарДУ адбылася творчая сустрэча выкладчыкаў кафедры філалогіі, студэнтаў, супрацоўнікаў бібліятэкі, настаўнікаў, вучняў школ з рэдакцыяй і аўтарамі перыядычнага выдання.
Галоўны рэдактар часопіса Святлана Дзмітрыеўна Воцінава пазнаёміла прысутных з цікавымі старонкамі гісторыі выдання, распавядала пра жыццё яго знакамітых рэдактараў і аўтараў, чые творы змяшчаюцца на старонках «Маладосці».
Сваімі назіраннямі пра сучасны літаратурны працэс, успамінамі пра калег па пяру, працу ў часопісе «Маладосць» падзяліўся Уладзімір Пятровіч Саламаха — лаўрэат Дзяржаўнай прэміі Рэспублікі Беларусь, празаік, крытык, публіцыст, кінасцэнарыст. Цікавасць выклікала прэзентацыя яго мастацкай кнігі «…І няма шляху чужога», куды ўвайшлі сацыяльна-псіхалагічныя аповесці. Эмацыянальна чытала свае вершы, успамінала студэнцкія гады А. Ючкавіч, чые творы друкуюцца ў часопісе «Маладосць».
Сустрэча выклікала цікавасць з боку студэнтаў, будучых настаўнікаў, якія змаглі асабіста сустрэцца з прадстаўнікамі творчай інтэлігенцыі, атрымаць юбілейны нумар «Маладосці» з аўтографамі яго аўтараў.