Прафесарска-выкладчыцкі склад кафедры філалогіі запрасіў студэнтаў 2 курса лінгвістычнага факультэта на навукова-метадычны семінар «Першыя крокі ў навуку». Мерапрыемства праходзіла 24 лютага 2022 года ў чытальнай зале для навуковай работы ўстановы адукацыі «Баранавіцкі дзяржаўны ўніверсітэт». Студэнтаў азнаёмілі з асаблівасцямі арганізацыі і выканання пошукавых і эксперыментальных навукова-даследчых работ, накіраваных на вырашэнне філалагічных і педагагічных задач.
На семінары прагучалі даклады аб выкарыстанні метадаў лінгвістычнага даследавання (І. С. Чуносава, дацэнт кафедры філалогіі, кандыдат педагагічных навук); аб методыцы правядзення навукова-даследчай працы па беларускай літаратуры (Т. М. Пучынская, загадчык кафедры філалогіі, кандыдат педагагічных навук); аб арганізацыі і правядзенні педагагічнага эксперымента ў межах напісання навуковай работы (Н. У. Ермаловіч, старшы выкладчык кафедры філалогіі); аб адметнасці ажыццяўлення эфектыўнага бібліяграфічнага пошуку (А. Р. Сінкевіч, вядучы бібліятэкар чытальнай залы для навуковай работы).
Напрыканцы семінара студэнты выкарысталі магчымасць у ходзе актыўнай дыскусіі задаць праблемныя пытанні аб ажыццяўленні навукова-даследчай працы.
