Брэйн-рынг «Філалогія – каралева навук»

Брэйн-рынг «Філалогія – каралева навук»

16 кастрычніка 2024 г. у межах правядзення VІ Баранавіцкага навукова-адукацыйнага форума «Наватар» прафесарска-выкладчыцкім складам кафедры філалогіі была арганізавана інтэрактыўная пляцоўка, праведзеная  ў форме брэйн-рынга «Філалогія – каралева навук». На мерапрыемства былі запрошаны вучні  ДУА «Гімназія № 1 г. Баранавічы». У інтэлектуальнай гульні прымалі ўдзел 4 каманды, сярод іх 3 каманды, прадстаўленыя студэнтамі 1 курса лінгвістычнага факультэта Баранавіцкага дзяржаўнага ўніверсітэта. Адну з груп склалі госці мерапрыемства — навучэнцы ДУА «Гімназія № 1 г. Баранавічы». Па выніках трох тураў перамогу атрымала каманда «Паважаныя настаўнікі» (група ФБ—11). Другое месца заняла каманда гімназістаў, трэцяе месца — каманда «Разумнікі» (група ФБ—11). Як адзначылі арганізатары гульні (старшы выкладчык В. М. Шавель, выкладчык А. У. Шлег), студэнты захоплена і з цікавасцю прымалі ўдзел у брэйн-рынгу, паказалі глыбокія веды па беларускай мове і літаратуры.