Кафедра філалогіі Баранавіцкага дзяржаўнага ўніверсітэта арганізавала і правяла ў межах прафарыентацыйнай работы конкурс эсэ для будучых філолагаў. Былі запрошаны вучні 10-11 класаў. Гэта была выдатная магчымасць не толькі паглыбіць свае веды па беларускай і рускай мовах, але і развіць навыкі камунікацыі, пашырыць кругагляд і задумацца над сваім будучым. Яго ўдзельнікамі сталі навучэнцы ўстаноў адукацыі г. Баранавічы і г. Ляхавічы. Мы атрымалі мноства выдатных тэкстаў, кожны з якіх па-свойму ўнікальны. Эсэ прадэманстравалі добрыя магчымасці будучых даследчыкаў слова, былі актуальнымі, аргументаванымі, лагічнымі, напісанымі правільнай мовай, раскрывалі асабістае меркаванне і былі добра структураванымі. Пераможцамі ў конкурсе эсэ для будучых філолагаў сталі вучаніцы ДУА "Сярэдняя школа №2 г.Ляхавічы": Дыдышка Дзіна, Мастыка Сафія, Хмарук Паліна, Кудзялевіч Дзіяна. Яны атрымалі дыпломы, якія сведчылі пра высокі ўзровень дасланай работы. Кафедра філалогіі шчыра ўдзячная за час, думкі і жаданне падзяліцца сваім бачаннем будучай прафесіі.
https://ph.barsu.by/index.php/naviny-i-ab-yavy/ad-mary-da-prafesii-konkurs-ese-dlya-buduchykh-filolaga#sigProId0952270036