24 лютага 2018 года ў межах Тыдня кафедры філалогіі студэнты групы БЗМ-11наведалі беларускі кірмаш «Квітней, Беларусь!», які праводзіўся на базе ДУА «Гімназія № 1 г. Баранавічы» (філіял кафедры).
Студэнты сталі арганізатарамі адной са «станцый» — «Па сцежках Я. Коласа і Я. Купалы». У форме віртуальнай віктарыны па раздзелах «Біяграфія Я. Купалы», «Творчасць Я. Купалы», «Біяграфія Я. Коласа», «Творчасць Я. Коласа» і «Песняры і сучаснасць» навучэнцам гімназіі былі прапанаваны пытанні рознага ўзроўню цяжкасці.
Вядучымі на станцыі выступілі Губко Кацярына, Калюта Яўгенія, Шчэрба Яна — студэнты групы БІЯ-11. Падлік заробленых балаў вяла Кавальчук Яна. Варта адзначыць высокую актыўнасць удзельнікаў, жаданне адказаць правільна на большую колькасць пытанняў віктарыны.
Падрыхтавалі студэнты і печыва для продажу на кірмашы. Заробленыя «грошы» патрацілі на білеты і наведалі гала-канцэрт «Квітней, Беларусь!».
