Кантакты

Адрас: г. Баранавічы, вул. Паркавая, 62, аўд. 404/1

Заг. кафедры: Пучынская Таццяна Міхайлаўна

Cлужб. тэл.: (8163)48-73-98 (заг. кафедры)

E-mail: kaf.philogy@barsu.by

Рэжым работы: 8.30–17.30, абед 13.00–14.00

Інфармацыя аб кафедры

Кафедра філалогіі Баранавіцкага дзяржаўнага ўніверсітэта была ўтворана ў 2004 годзе на базе кафедры гуманітарных дысцыплін педагагічнага факультэта Баранавіцкага дзяржаўнага вышэйшага педагагічнага каледжа. У розны час яе ўзначальвалі кандыдат педагагічных навук, дацэнт Белая Алена Іванаўна, магістр педагагічных навук Шавель Вольга Міхайлаўна, кандыдат філалагічных наук, дацэнт  Солахаў Аляксей Васільевіч.

З 2010 года на пасадзе загадчыка кафедры працуе кандыдат педагагічных навук, дацэнт Пучынская Таццяна Міхайлаўна.

Супрацоўнікамі кафедры філалогіі ажыццяўляецца падрыхтоўка студэнтаў па ўсіх спецыяльнасцях універсітэта, а выпускаючай кафедра з'яўляецца па спецыяльнасці 1-02 03 03 Беларуская мова і літаратура. Замежная мова (англійская). Навукова-даследчая, вучэбна-метадычная, ідэалагічная і выхаваўчая праца на кафедры плануецца на аснове Палітыкі, Місіі, Бачання ўніверсітэта.

Прафесійным абавязкам кожнага супрацоўніка кафедры з’яўляецца ўдасканаленне вучэбна-выхаваўчага працэсу на аснове навуковых дасягненняў, зыходзячы з прыярытэтных кірункаў дзяржаўнай палітыкі ў галіне адукацыі, якасная падрыхтоўка запатрабаваных спецыялістаў для дзяржаўнага кіраўніцтва і адукацыі.

Кафедра з’яўляецца рэгіянальным кансультацыйным цэнтрам для студэнтаў, настаўнікаў школ, гімназій, ліцэяў па пытаннях літаратуразнаўства, мовазнаўства, методык выкладання беларускай і рускай мовы і літаратуры, методык навучання мове і літаратурнаму чытанню ў пачатковай школе.

Асноўная праблематыка навуковых даследаванняў выкладчыкаў кафедры – актыўныя працэсы ў беларускім і рускім мовазнаўстве; беларуская літаратура першай трэці XX стагоддзя, сучасны літаратурны працэс; разнастайныя пытанні методык выкладання ў сярэдняй і вышэйшай школе. На кафедры распрацоўваецца навуковая тэма «Тэарэтыка-метадалагічныя і метадычныя аспекты вывучэння і выкладання славянскіх моў і літаратур».

Значная ўвага надаецца якаснай арганізацыі навукова-даследчай працы студэнтаў. Традыцыйна кафедра ўдзельнічае ў Рэспубліканскім конкурсе навуковых прац студэнтаў УВА Рэспублікі Беларусь. Даследаванні студэнтаў, праведзеныя пад кіраўніцтвам выкладчыкаў кафедры, адзначаны дыпломамі I, II і III ступеняў.

Важнай формай прапаганды філалагічных ведаў з’яўляецца штогадовая арганізацыя Тыдня кафедры, у межах якога традыцыйна праводзяцца інфармацыйныя хвіліны, прысвечаныя Міжнароднаму дню роднай мовы, алімпіяды па беларускай / рускай мовах, практыкумы, навукова-метадычныя семінары, панарамныя ўрокі з удзелам студэнтаў, настаўнікаў і вучняў школ, літаратурная вечарына «Галасы маладых» і інш.

Кафедра падтрымлівае сувязі з кафедрамі адпаведнага профілю УВА рэспублікі і замежжа. Наладжаны творчыя кантакты са школамі горада і раёна, выкладчыкі кафедры прымаюць удзел у педагагічных канферэнцыях і іншых мерапрыемствах у школах г. Баранавічы і сумежных рэгіёнаў.

Праграмы міжнароднага супрацоўніцтва кафедры:

  1. Пагадненне паміж УА «Баранавіцкі дзяржаўны ўніверсітэт» (Беларусь, Баранавічы) і Міжнародным эканоміка-гуманітарным універсітэтам ім. С. Дзем’янчука (Украіна, г. Роўна).
  2. Пагадненне паміж УА «Баранавіцкі дзяржаўны ўніверсітэт» (Беларусь, Баранавічы) і Херсонскім дзяржаўным універсітэтам (Украіна, г. Херсон).
  3. Пагадненне паміж УА «Баранавіцкі дзяржаўны ўніверсітэт» (Беларусь, Баранавічы) і ФДБАУ ВПА «Варонежскі дзяржаўны ўніверсітэт» (Расія, г. Варонеж).
  4. Пагадненне паміж УА «Баранавіцкі дзяржаўны ўніверсітэт» (Беларусь, Баранавічы) і УА ВА «Смаленскі гуманітарны ўніверсітэт» (Расія, г. Смаленск).
  5. Пагадненне паміж УА «Баранавіцкі дзяржаўны ўніверсітэт» (Беларусь, Баранавічы) і ФДБАУ ВПА «Тамбоўскі дзяржаўны ўніверсітэт імя Г.Р. Дзяржавіна» (Расія, г. Тамбоў).

 

Галасаванне

Якія формы кіруемай самастойнай работы для студэнтаў лепш прымяняць на занятках выкладчыкам кафедры?